一样的人一样的教法-123456试吃点评 pictures

    

一样的人一样的教法

就快放圣诞假, 学校派回所有工作纸, 我发现阿仔有好多份小测, 全部都系数学科,小测不但只有分数, 更有排名, 每一份卷都有排名, 老师会根据排名给印仔, 印仔多就可以换礼物。





这本靓靓龙猫簿, 就是阿仔换返嚟的礼物。


其实我真系几佩服呢个数学老师, 因为佢唔单止不停咁同渠哋做小测,仲够胆喺小测上面列出排名, 这个是需要勇气的,你知香港的家长多敏感,分分钟会话你成日测验,压迫民族幼苗, 又会话你变相支持tsa ,仲要有排名添!可能又会话你过于功利,鼓吹竞争, 又可能会话你冇顾及SEN慨同学慨感受, 总之香港慨家长系可以有好多说话。


呢个数学老师慨做法, 同我慨做法非常相似, 我都系经常同阿仔操卷,数学科同其他科目唔同,必需要经常做测验卷, 否则小朋友会唔识得控制时间,好多控制时间的技巧, 都系透过训练返嚟, 我见老师已经同佢做咗咁多份, 我立即抽起晒所有慨数学卷,改为和阿仔研习作文。


其实我都唔喜欢经常操练小朋友,但系我哋唔能够将洗澡水同婴儿一齐倒掉, 操练系唔好,但如果系0操练慨话,会令到小朋友在真正考试慨时候, 遇到好大挫折,最主要都系时间控制不当,小朋友识睇钟, 唔代表渠有时间管理慨能力,管理时间系从不断慨练习里面学习得到,系一种sense, 系透过反覆慨训练才会拿捏得到慨sense。


数学老师曾经解释, 渠点解要将排名写系测验卷呢?系因为将来你入咩中学, 最主要都系睇你数学科慨成绩,佢话语文科大家慨相差慨分数唔多,但数学科差距可以系又十几分至到一百分,所以唔好呃自己啦,早啲知好过迟啲知,早啲知有得追, 迟啲知死硬,我就系钟意佢咁NT, NT 型格的人,眼光看着将来, 不是目前的小事,唔会妇人之仁!


呢个数学老师,系我个同类, 大家都系NT型,同样慨人用同样的教法。不同类型慨人,难以互相了解对方的教育。